大肚姚樂怡「回歸」《十月初五的月光》

電影《十月初五的月光》上映在即，在劇集中飾演唐文龍的女友「依文」姚樂怡，雖然觀眾無緣在電影版相見，不過現時懷有8個月身孕的姚樂怡，已連人帶B靜雞雞拍了一連三集的《十》片製作特輯。

其實樂怡一早被邀拍電影版，但當時她剛懷孕，所以婉拒拍攝，她說：「嗰時監製搵我，我有咗幾個月又未穩定，個人好唔舒服，行兩步都攰，行條樓梯都好喘氣，已經要搵地方坐，仲要搭船過澳門，仲唔嘔到飛起？所以推咗冇拍。」雖然拍不成電影版，但樂怡亦拍了三集製作特輯，在三齣片中她都是以「依文」身份出現，分別致電問候「初哥哥」、「Q姨」和「君好」。

樂怡在拍攝當日，湊巧偶遇「金勝」唐文龍，兩人馬上合照留念，樂怡說：「嗰日見番『金勝』，自己真係對套劇有feel，我哋影咗張相，張相放咗喺微博，啲fans好笑架，留言話個肚係你同『金勝』幾好呢，哈哈。」