李嘉琪參賽《好聲音》每日瞓一個鐘

在《中國好聲音》第四季成功晉級六強的那英組歌手李嘉琪，早前接受《東網》專訪時，大談在比賽期間的點點滴滴。她表示由於要到內地比賽近兩個月，故期間不時思鄉病發：「比賽期間好思鄉，好掛住屋企，但人就係咁，返到嚟香港就會掛住嗰邊。留喺嗰邊咁耐，一定會有負面情緒。」

她表示大會行程非常緊密，加上又經常改通告，所以每天壓力甚大：「每日不斷練歌，啲安排又好突然，有時前一晚先通知要錄影，我日日瞓得一個鐘，試過朝早六點錄完，九點又要再錄，我就索性唔瞓啦。」