邵美琪激罕晒事業線：唔介意畀女追

邵美琪（Maggie）於灣仔會展出席GVG醫之美「破解凍齡密碼發布會」，席間又獲老闆張兆輝送贈價值六位數的翡翠耳環，令她笑逐顏開。事後，Maggie直言未收過如此貴重的禮物：「唔知點報答，真係要應承唔好偷懶、唔好辜負人哋。」至於代言酬金，她大讚老闆好闊佬，又直言獲重金禮聘。

身穿Deep V裙大晒事業線的Maggie，罕有地以性感造型現身，她笑稱向來怕凍兼「唔到頸唔着」，會否多讓事業線見人？她笑道：「凍㗎！（事業線）唔可以過份，適當嘅時候用一用。」

提到感情狀況，Maggie自爆想試吓去相睇：「都幾好玩，識多啲朋友，我未試過，可以食吓飯、傾吓偈幾好，雖然以前啲人覺得老土，但有好多人都唔敢識男女朋友。」當記者笑問怕否搶去其他女士焦點？她笑道：「我覺得香港女士唔差，大家鍾意嘅嘢唔同，可能可以識到班女仔Friend呢，又可能有女士鍾意我呢！（女仔鍾意唔介意？）唔介意，有人錫冇所謂。（唔介意同性戀？）唔介意，有啲女仔溫柔過男士，見到有啲friend咁直頭毛管棟。」並坦言曾獲女士追求，不過當時「冇需要」又有啲驚。