拍戲情挑阿倫　伍姑娘：忘記自己有冇老公

藝人伍詠薇出席電影《江湖喜劇》開鏡，戲中需情挑人夫譚詠麟的她，在浩動上笑指向導演申請一場於按摩池內、並穿少於三點式布料造型情挑對方，在旁的阿倫聞言即詢問是否穿t-back？有急才的伍姑娘即謂：「你定我？我唔介意反轉嚟着！我已經唔記得自己有冇老公。」阿倫惟有打圓場謂：「橡筋繩褲ok！」及後伍姑娘作狀咀阿倫，更表示其中一咀代表阿倫粉絲袁詠儀的。

伍姑娘接受訪問時，表示與阿倫對上一次合作幾乎是20年前，當時於電影合演一對老正夫妻，更謂：「20年前我最魔鬼時冇畀我，到而家熟少少將校長交畀我，timing好好。（少過三點式即係唔着？）着架！只不過我把口衰，講到好咸濕，其實唔止一場情挑，仲有一場關蛋撻事，圍讀時眼淚已經係咁流，笑到好慘，相信場戲要NG 50次以上，係入行以來最差呢場戲。」