撐之之唔係講嘉玲　楊小娟：佢講佢老公

藝人呂良偉與太太楊小娟一同出席婚宴，小娟被問到好朋友關之琳（之之）與台灣富商陳泰銘離婚一事，她說：「佢咩決定我都支持佢，佢ok嘅冇事。（有冇同你呻過唔開心？）唔開心都一定有，但依家ok，佢好畀心機做嘢，佢自己嘅牌子賣得好好。（佢好似唔開心劉嘉玲同陳生行山？）誤會嚟，佢唔會咁諗，偶然一班人行山，嘉玲係其中一個，佢明白。（佢話有人唔理佢感受？）佢講緊佢老公唔理佢感受，唔係嘉玲！」

談及有指之之不滿陳生沒有給予名份？小娟即力撐好友說：「唔應該，一個男人鍾意一個女人就要企出講愛佢，唔好遮掩。（陳生好驚？）佢有自己諗法，但愛要光明正大，姐姐（關之琳）個人善良單純，係一個我好鍾意嘅姐姐，所以我好支持同祝福佢！」