王丽嘉趁后生拍散拖　王曼喜望承继父业

名模马诗慧及艺人王敏德的女儿王曼喜（Kayla）及王丽嘉（Irisa）一同出席时装品牌i.t活动，Irisa被问早前《东网》独家拍得她与一名混血男拖手逛街，情到浓时二人更旁若无人当街嬉戏兼锡锡，懒理身旁的“电灯胆”Kayla？Irisa大方承认拍拖：“系，不过已经冇一齐啦！我依家唔系想要好认真嘅感情，拍散拖玩吓冇乜所谓。（未搵到适合对象？）其实有，不过佢唔喺香港。我哋以前喺high school拍过两个月拖。（旧情复炽？）我哋分开咗之后一直有联络，如果喺同一个地方，我哋会一齐。（迟啲你会返去波士顿？）佢唔喺波士顿读书。（对方知唔知你之前拍拖？）唔知。（佢咪会好伤心？）我唔会话佢听，可能迟啲先讲。（你唔专一？）我依家先20岁，冇所谓。”

问混血男生被她玩弄感情？Kayla即为妹妹解围：“双方面嘅。”Irisa亦说：“我有锺意佢，不过有啲嘢发生咗。”问Kayla会否担心妹妹常与不同男生拍拖，会有危险？Irisa即表示每个与她外出的男性朋友，都会介绍给家人认识。

等爹哋开口做生招牌

而提到二人的父母开公关公司，问可有帮手？两姊妹表示没有，但却有帮父亲的时装生意。Kayla说：“今日帮咗佢睇铺，做sales。”问会否做品牌生招牌拍广告？Irisa笑说：“爸爸叫就影啦，睇佢想唔想。”

提到父亲希望把家族生意传给子女，Kayla直言非常欣赏父亲的苦心，自己亦对时装感兴趣，但Irisa却表示没有兴趣做生意。已开办网上时装店两个多月的Kayla说生意不错，但暂时尚未回本。