Kevin Boy下月開騷　親自落區搲飛

本地樂隊人氣鼓手Kevin Boy到電台宣傳，他直言身為非主流音樂仍然有傳媒採訪他覺得好開心，講到早前鄧紫棋的團隊在訪問中指，香港的傳媒只宣傳廣東歌沒太大作用， Kevin Boy即表示：「唔會冇用，非常有用，我唔係主流可以太膽講真話，我反而係擔心未必對我哋有興趣，好多時都會覺得可能冇新聞價值。」他又坦言有自知之明，對於「扮歌手」的自己而言，有人留意到自己已好開心。問到會否將自己變得主流一點？他表示：「依家已經好開心，唔係主流但之前喺個主流頒獎禮上攞咗個MV獎已好開心。」

講到下月將舉行音樂會，Kevin Boy表示：「之前搞咗一個《我又是歌手》嘅真人騷，咁都要搞返個騷包起佢當做個畢業禮，到時都會有6至7個單位做嘉賓，有LMF同ToNick，都會有神秘嘉賓。」問到會否請以前在《玩爆你個腎》中玩過的人做嘉賓？他笑言當然會：「大家都再三問我唔係嚟玩？希望今次個唔好有咩冬瓜豆腐，驚到時停電突然有人上台打我大家都以為係嚟玩。」

Kevin Boy又笑謂今次開騷是搵着自己嚟搞：「宣傳贊助咩都攬上自己身，一開始都會擔心啲票房個啲，依家都賣得OK，我仲親力親為落區同人宣傳，傾完就拉大隊廿幾人一齊去賣飛嘅地方賣，我諗我係史上第一個落區搲飛嘅歌手。」