義助家輝零片酬　學友：咁都收仲係人嚟

東網電視

張學友義助張家輝新片，呢啲先係真正嘅朋友！

歌手張學友出席新片《陀地驅魔人》首映禮，對於導演張家輝指客串的張學友唔會知佢拍咗乜，學友說：「知！（家輝用咗兩個shot。）咁咪好似王家衞嗰啲？偉仔（梁朝偉）喺《阿飛正傳》嗰種？咁就正啦，恨咗好耐喇。」對於家輝為新片獻唱，他笑說：「我見佢有個字讀錯國語音，本來想糾正佢，但查番之後發現原來佢啱喎。」

孖梁家輝放笑彈

及後梁家輝現身，學友就捉埋對方齊齊做訪問。曾與林嘉欣合作拍戲的學友，對於林嘉欣奪金馬影后表示恭喜對方，更笑言：「唔同我拍都拎到，仲以為係我旺佢。」身旁的梁家輝聞言則謂：「因為係李康生頒㗎，頒開嗰個就嗰個，我頒完女配角畀舒淇，再頒影后畀佢。」學友就笑謂：「咁我下年都無行啦。」

親臨支持張家輝

剛拍畢新片的梁家輝則謂香港少有新導演，故前來支持家輝，他說：「佢上一部好慘㗎（指《盂蘭神功》），新導演無咩人投資，好多人都要搭膊頭㗎。（搭你膊頭？）咁做朋友又唔係吓吓搭膊頭嘅，幫到嘅先幫。」

學友請張家輝食檸檬

至於問到學友有否向家輝收片酬？他說：「咁都收，我仲係人嚟嘅？我拍咗一個下午，講出嚟都面紅！」梁家輝就謂：「我幫君如（吳君如）拍都係收利是，個利是封就好大。」至於會否叫張家輝請食飯？學友說：「係佢想請我食飯，我唔得閒咋。」梁家輝就笑言：「我哋呢啲年紀係忙啲㗎喇。」

另外，梁家輝一見到謝雪心就叫師傅，原來二人的師徒關係是來自學珠寶設計。

最強娛樂APP《東網巨星》，推出全新遊戲節目《巨星放題》，除咗有謝安琪同陳奕迅擔任星級主持，仲有好多星級參賽者，最新一集有近期爆Hit嘅蝦頭，想睇佢點樣亂答啲問題同埋點樣取巧？快啲去《東網巨星》App收睇啦！

《東網巨星》App下載連結

on.cc東網