【豪门再爆风暴】祥嫂怒轰亲生仔女
20151123
东网电视
更多新闻短片
祥嫂怒轰三名亲生仔女，不过佢话邓兆荣除外。
豪门再爆恩怨！洪金梅（祥嫂）过往曾与仔女邓兆尊、邓兆荣、邓翠玉（小艾）及邓碧玉发生轰动全港的争拗事件，后来彼此化干戈为玉帛，双方和好如初，但近日突然又平地一声雷，祥嫂与仔女再传不和，她一度质问：“系咪谋我死呀？”更声言要公开挑战仔女。
“做乜要分？我都未死”
爆去年被要求签授权书：想标我尾会？
祥嫂表示去年仔女曾求见，但被她拒诸门外，被问是否有人想分家产？她说：“做乜要分？我都未死！点都要食饭，系咪谋我死呀？（仔女想你分？）唔好骚扰我呀！旧年临过年前14日，除咗兆荣冇份外，3个仔女嚟到我大宅等我，要我签文件，系啲授权书，我惊呀？！系咪想标我尾会？起我尾注？害过我喎，我要防呀！（觉得亲生仔不如近身钱？）前人系咁讲，我要今晚返去谂吓先再答你，金钱系万恶嘅！我已经好少出嚟见大家，就系怕你哋系又问，唔系又问，我啲疮疤已经好番，你哋又揭起啲焦！”
“我有生过咩？”
祥嫂坦言已与仔女不见多时，她说：“去年至今冇见佢哋，仔女？我有生过咩？我都忍辱负重咁耐，唔讲就系唔想糟蹋邓永祥嘅名声，忍辱18年，忍到满身病痛，佢哋想点呀？系咪虐老呀？我唔系怕边个，更加唔会怕我所出嘅，够胆就出嚟，我公开挑战佢哋！”
斥邓小艾有事锺无艳
祥嫂听到邓小艾对外宣称对她服侍周到，她即说：“服侍我乜嘢呀？我行得企得，佢有事锺无艳，冇事就话我勾佬，令我好劳气。”
“东网巨星”fb专页：
每日Keep住推介最“精”最“趣”娱闻，只需数分钟，即可化身娱乐通，茶馀饭后唔惊冇话题。想加入热议最hit最爆娱闻行列？呢个专页真系不Like不可。