忙搞珠寶設計　徐子珊唔急決定簽邊間

藝人徐子珊與楊詩敏（蝦頭）孖住亮相新手機發布會，二人久未碰面，子珊大讚蝦頭成功變「蝦條」，蝦頭則笑說：「前後減咗35磅。（換過晒啲衫褲？）就嚟連男朋友都換埋。佢鍾意女友肥少少，不過話唔定瘦咗嘅我令佢有新鮮感，男人心態好難觸摸。（瘦夠了嗎？）差唔多嘞。」

子珊則表示日前完成女神演唱會後，自己感覺如「抬過泥」般：「真係好攰，休息咗成個星期，不過好開心有人想搵我哋原班人馬去巡迴開騷，有錢搵我梗有興趣，仲話可以就我檔期。（仲未決定簽邊間公司？）有合約睇緊，下個月我珠寶設計方面又有公布，所以唔使急，2016年先再發力，急起直追啦。」