男人幫浮誇閃住開騷 蘇康寸Beyond不和
20151127
東網電視
更多新聞短片
男人幫開騷，蘇康擺Beyond上枱！
一連三場的《男人幫演唱會2015》今晚假紅館開鑼，四位主角蘇永康、梁漢文（Edmond）、黃家強及任賢齊獲各自的老婆捧場，而小齊的仔女亦有到場支持，一眾圈中好友包括楊千嬅、徐子珊、狄波拉、呂良偉夫婦及許紹雄等人亦有現身撐場。演唱會約八時半開始，一開始舞台被白布遮住，並播放四人籌備演唱會的片段，之後白布掀起，各以不同顏色造型上陣的四子站在舞台最高處獻唱主題曲《男人幫》，當中以最貪靚的蘇康最浮誇，披上墨綠色大袍的他霸氣十足！而小齊則以紅色大衣現身，而家強和Edmond則各以黑金色和銀色西裝出場，Edmond的西裝更是透視穿窿，十分性感！
家強自認後生即被蘇康寸
唱完《光輝歲月》後，四人輪流跟歌迷打招呼，引得粉絲不停尖叫。之後四人開始在台上大放笑彈，小齊講到眾人之前到過雲頂及台北演出，今次就返回香港演出，家強亦笑言：「今次仲會跳舞，好似後生咗20、30年！」之後更笑言他們是「Boy Group」，聞言蘇康即反擊：「仲後生？我哋加埋都成200歲左近！」Edmond亦笑言：「四個小生加埋三球，我哋都係兩球啦，玩得開心最緊要！」
梁漢文認係牆頭草
之後小齊則謂希望四人可舉行世界巡迴演出，家強有感而發表示：「有啲難度，因為要夾人，而且需要一條心。」抵死的蘇永康即擺Beyond上枱，說：「家強由衷講咗呢句肺腑之言。」擺明寸Beyond不和，未能重組！對此Edmond亦講到跟蘇永康組了Big Four數年，今年組成男人幫就被人傳不和，蘇康即笑言：「打麻將都冇話廿年同一隻腳，光頭嗰個（張衞健）仲話我哋牆頭草！」Edmond即自認：「我哋係呀！」場面搞笑。之後蘇康和小齊就留在台上合唱經典歌《男人不該讓女人流淚》。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。