情緒反覆？羅孝勇撐林欣彤樂觀開朗

歌手羅孝勇出席活動，自言經常會向身在外國的父母講我愛你，又謂：「今年好開心，我返咗嚟香港五年，哥哥又喺第二度做嘢八年，今年爸爸飛咗返香港，終於一齊慶祝爸爸生日，預備咗禮物同埋蛋糕，超開心。」他又表示哥哥剛結婚不久，所以爸爸是第一次與兩個仔和新抱一起慶祝，問到他可也攜眷出席？他直言剛甩拖不久，唯有自己和爸爸慶祝。

講到近日有指羅孝勇前女友林欣彤（Mag）唱片和經理人約均已完結，回復自由身，羅孝勇表示早前有與對方聯絡：「有問吓佢點、傾吓偈，我哋巨星有時都會出嚟聚吓。」談到Mag的工作前景，他直言不清楚其方向：「不過佢唱歌好犀利，又識寫歌，情況唔令人憂心。」談到有指對方情緒反覆冇人敢簽，羅孝勇就力撐舊愛樂觀開朗，講到可會介紹她到自己公司？他表示：「我哋巨星聚會再一齊傾吓。」