《梟雄》殺人場面勁逼真 網民嗌驚驚
20151128
東網電視
更多新聞短片
有網民話第一次睇無綫係會睇到心寒。
無綫台慶劇集《梟雄》早於未開播之前已經備受矚目，皆因劇集陣容強勁，唔單止請嚟影帝黃秋生、視帝黎耀祥坐鎮，仲有湯鎮業等久未露面嘅好戲之人「出山」！而播至尋晚，臨近結局篇之際，網民更發現劇集中另有一個新突破，就係於第30集入面黎耀祥以亂刀斬死一大班抗日分子，期間更拍埋片用作證據以博取日本人信任，唔少觀眾睇見都大叫心寒，仲話呢個「死亡直播」大大提高埋電視尺度！
呢段歷時近五分鍾嘅審犯加斬人片段其實齋睇都唔算係太過血腥，但就因為由頭到尾都得黎耀祥一個拎住把刀亂斬幾十人，仲要全程用攝錄機影住，令氣氛格外恐怖！唔少網民都睇到眼凸凸，仲留言話今次都係第一次睇無綫劇嘅殺人場口睇到心寒：「第一次睇TVB劇有心寒效果，不過跟住啲阿媽師奶又會投訴話暴力話血腥。」
雖然呢場「大屠殺」場面夠晒逼真又有突破，但當中亦有心水清嘅網民依舊有啲嘢係睇唔透，佢哋仲紛紛留言開心些牙一吓自己嘅難題，「精人出口，笨人出手，咁多手下都要自己落手咁有趣」、「最後死個（嗰）個明明就鬆咗綁，咁都唔識走！仲要叫人唔好殺佢。」
網民有話兒：
山下xx:精人出口，笨人出手，咁多手下都要自己落手咁有趣？
xx岸久：真係好難唔令人諗起......
xxxx0202:第一次睇TVB劇有心寒效果，不過跟住啲阿媽師奶又會投訴話暴力話血腥！
cheungxxman:最後死個（嗰）個明明就鬆咗綁，咁都唔識走！仲要叫人唔好殺佢！
xxxmmy：原來以前已經有現場直播呢樣嘢～～
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。