鍾浠文認有圈外人男友:結婚為準備生B

20151129
東網電視
更多新聞短片
鍾浠文依家有拍拖,差唔多兩年,對方係圈外人,都好穩定。

模特兒鍾浠文為化妝活動擔任示範,她透露剛從韓國返港,覺得韓國女孩子皮膚很好,十分羨慕!她表示此行因為有朋友生日,一班人去韓國慶祝五天,為朋友買了很多護膚品,問她可會做代購?她說:「好辛苦,身邊有朋友做緊,需要好多時間同埋功夫,我自己鍾意同人share好嘅產品,唔一定為賺錢。」

望闖影壇

此外,鍾浠文謂跟公司的模特兒合約已完結,現轉為藝人合約,所以明年會試拍電影,她笑說:「我問老闆如果結婚或者拍拖咁點?佢話公司好自由。(係咪有計劃結婚?)唔係,不過依家有拍拖,差唔多兩年,對方係圈外人,都好穩定,但未有結婚計劃,因為如果我結婚係準備生BB,而且大家相處好開心,我仲有好多手頭上工作想做,佢好尊重我,畀我做自己鍾意嘅嘢!」她又笑指男友有時會不喜歡她穿得性感,還踢爆早前跟歌手周柏豪拍MV有親嘴鏡頭,男友也表示不想看到。