G.E.M.嚴重睡眠不足　食飯都睡着

「宇宙天后」鄧紫棋（G.E.M.）最近完成英國巡迴演出，不過期間是非不斷，有指佢嘅演唱會門票滯銷，之後G.E.M.更親自回應話冇咁嘅事！面對咁多流言，唔知G.E.M.係咪心力交瘁，佢趁喺英國期間順便去旅行Relax一下，期間連食飯都攰到差啲瞓着！

G.E.M.喺網上分享短片，片中佢喺餐廳中托住腮等上菜，但一直烏眉瞌睡，對眼反覆開合，就嚟瞓着咁。G.E.M.就留言話：「邊吃飯邊打瞌睡，朋友在旁只能默默偷拍跟偷笑！」食食吓飯都可以瞓着，睇嚟G.E.M.都要休息多啲喎！