許志安唱廣東老歌捱轟 網民戥唔抵
20151130
東網電視
更多新聞短片
崔健（左下圖）話聽唔明安仔唱廣東老歌，問安仔點解要揀呢首歌唱？佢仲話依家2015年仲唱20年前嘅老歌，仲要用廣東話去唱，年輕人會有共鳴嗎？
近年有唔少歌手都北上參加內地歌唱比賽，好似李克勤、謝安琪同古巨基等等，多位唱家班都似乎想測試自己嘅實力去到邊，當中要數都係「宇宙天后」鄧紫棋（G.E.M.）成績最好，喺《我是歌手2》中贏得亞軍，喺內地爆紅嘅佢已經北望神州喇！
近日歌手許志安就參加咗內地歌唱節目《中國之星》，佢揀咗張學友嘅舊歌《怎麼捨得你》嚟唱，經過重新包裝之後，雖然安仔唱多咗份搖滾味，不過仍然都感動咗唔少觀眾！
崔健狂轟：2015年還在唱二十年前的老歌
不過當安仔唱完歌，由評判之一嘅崔健點評嗰陣，佢就話：「我真的對這首歌實在不太了解，我也承認我沒辦法聽懂，但我在仔細看這歌詞，我想問一吓，你為甚麼想去選擇這個歌曲？」安仔聽完之後，個樣都有啲唔開心，但仍表現專業咁答：「這首歌的歌名是叫《怎麼捨得你》，張學友原唱就是唱這首，我覺得我每次我看到他唱這首歌，我都很感動，我想到自己的一些回憶嘛，那所以我就趁這個機會送給大家。」
不過崔健聽完之後仍然覺得唔同意，並表示：「現在二十一世紀，2015年還在唱二十年前的老歌，還要用廣東話去唱，現在的觀眾年輕人會有共鳴嗎？還是你覺得二十年前的廣東歌就能代表香港了嗎？」最後要林憶蓮畀意見化解，「事情」先告一段落！
網友讚有大將之風
不過節目播出之後，引嚟唔少網友去討論呢件事，仲發起一個叫「你怎樣看待崔健炮轟許志安？」嘅選舉，仲超過8成人投票話：「毫無道理，說好的音樂無界限呢！」亦有超過1成人話：「沒有對錯，感沒感動就了算吧！」唔少香港網友，都力撐安仔唱老歌無問題，唔使理崔健嘅批評，話安仔用咩語言去做，都唔應該去否定佢嘅努力同唱功，亦有唔少網友話，安仔就算面對批評都答得好得體，好有大將之風！
網友有話兒：
Lam XXXX：安仔和憶蓮說話很得體。
Ben XXXXX：唱經典歌有問題嗎？
Roger XXX：安仔講得好，憶蓮撐香港金曲一流。
Deep XXXX：安仔唱得好好！
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。