男神怕打針　王大陸驚到眼凸唔敢望

台灣型男王大陸雖然貴為男神，但係佢不時會放低偶像包袱，做啲出奇不意嘅事！佢個樣除咗同森美有啲似之外，其實佢嘅搞笑功力都同森美有得揮。

呢日，大陸分享咗張搞笑相娛賓，相中嘅佢似乎病咗去睇醫生，當個姑娘將支針拮落佢手時，佢就擘晒口、咬實牙齒兼瞪大隻眼，表現出一副好驚嘅表情，仲留言話：「不怕……是騙人的！大家要多穿點衣服！不要像我……好痛還被姐姐一直笑！」佢嘅古靈精怪嘅舉動單單30分鐘就吸引咗二千個留言，有人問：「堂堂大男人竟然怕打針？」仲有網民笑言：「為什（甚）麼你醜得這麼帥！」