黃貫中為藏獒剝牙成熱話：面對家人唔驚

歌手黃貫中（Paul）昨日在微博上載老婆朱茵與愛犬的合照，並自爆帶藏獒「沙展」剝爛牙的過程，在手術期間麻醉藥效已過，令在場所有人都嚇一跳，他留言：「我二話不說把手術夾搶過來，一手把牙床也拉出來……我也怕血，但為了我愛的，我不會退縮……」留言惹來極大回響，不少網民表示藏獒驍勇善戰，擔心牠生氣時會襲擊主人。

阿Paul接受《東網》訪問，他說：「我相信養藏獒嘅人唔會驚自己隻藏獒，我不嬲唔係好驚大嘅動物，包括熊，熊人我都幫佢剪過指甲，其實我唔係好驚，尤其係面對我屋企人，我係唔會有嘢驚。」

勸諫唔好拖住藏獒周街行

另外，阿Paul更叮囑養藏獒的朋友，他說：「我唔希望啲人亂咁養藏獒，因為要做一個負責任嘅狗主，呢啲始終係適合喺新界養嘅狗，有大地方先可以養得，最好唔好拖住周街行。」

而阿Paul今日繼續在微博分享愛犬的點滴：「既然大家喜歡，我樂意和大家分享多一點我的生活點滴，他叫酋長，算是虎獒，他其實也關心沙展的，他叫聲如雷，身高183cm，力大如牛。大家還有甚麼想知的，我盡量滿足你們，就如在你身邊一様。」

最強娛樂APP《東網巨星》，推出全新遊戲節目《巨星放題》，前六集有謝安琪同陳奕迅擔任星級主持發問IQ題，嚟到最新一集，亦即係第七集準決賽，再有張敬軒加盟做星級考官，淨係「考官」卡士都夠晒強勁。呢集嘅參賽者有連詩雅、周秀娜同牛雜妹，到底最後邊兩個可以爭取到決賽席位？快啲去《東網巨星》App收睇啦！

《東網巨星》App下載連結

Android App - http://goo.gl/GqQlC2

iOS App - http://goo.gl/ItozKI