陳定幫暗寸戴夢夢：要遵守道路規則！

對於夢夢躁爆又做出驚人行為，其舊愛、堪輿學家陳定幫接受《東網》訪問時，問及是否知道此事？他說：「我都係啱啱睇片先知，真係幾危險，我都理解唔到點解佢咁做，可能係鬧得太犀利先咁做啦！」

問到以前他跟夢夢拍拖時，對方有否出現過類似行為？他是否覺得夢夢有公主病？陳定幫說：「以前又唔覺佢係咁喎！」會否覺得因Ricky未搞掂離婚問題才這樣？陳定幫即說：「咁就唔清楚喇！我哋冇聯絡好耐。」再問是否睇好「夢朱」會結婚？陳定幫即暗寸夢夢：「唔回應喇！不過我要講一句乜都要安全第一，要遵守道路規則。」