張敬軒揭王菀之婚後性情大變

歌手張敬軒與王菀之（Ivana）齊齊現身TVB娛樂新聞台《StarTalk》節目，大談相識十載及合作的感受，笑言找回早年二人合作的火花。軒仔踢爆Ivana早已進入婚姻狀態：「由佢同Eric（蘇卓航）拍拖開始已經Ready好結婚，因為佢對感情同音樂都一様咁認真、好有承諾，完全冇負能量，兩個人簡單開心就得。」

友情永固互相提醒

而新婚的Ivana望自己能做一位稱職的蘇師奶：「兩個人一齊之後，自己嘅任性會收起，因為每件事都要諗兩個人先。」身為好友的軒仔即說：「佢將自己好多嘢都放落第二位，對方感受放第一，有時唔止愛人，佢對身邊朋友家人都係。我發覺佢事業心比之前仲勁，以前佢比較貪玩，好快會叫辛苦同攰，依家會享受工作多啲。（點去形容依家嘅關係？）我哋會係一對互相提醒，大家會係對方嘅光，而且好深友情嘅朋友。」

軒仔望重拾童年夢

談到年少「追夢」時，Ivana慶幸父母同樣喜歡音樂和藝術，她説：「佢哋冇畀壓力我，反而幫我，提我去追夢，以前我彈琴可以由朝彈到晚，彈到唔食飯都得。」

而軒仔則感恩母親對自己要求嚴格，他說：「我細個學小提琴同書法都唔係自願，大個先知爸媽嘅苦心，但我就少咗好多玩嘅時間，我依家好想追番我嘅童年，例如我細個鍾意踢足球，因為身體唔好先冇玩，依家會花時間踢吓波。」