鄭裕玲送錯手信 克勤爆畀人狂笑

20151207
東網電視
更多新聞短片
李克勤話收到鄭裕玲(紅圈)嘅禮物時都打咗個凸,因為全世界都知佢係曼聯擁躉。

李克勤出席活動,講到克勤剛過生日,他表示沒有特別慶祝:「嗰朝四點返嚟,坐咗6個鐘車,屁股都扁埋,之後同咗佢哋去遊樂場,生日都係反省番過去一年做過啲咩。」講到他在微博大晒愛心蛋糕,他笑言未知兩個囝囝可有落手整,不過應該有負責整忌廉和插蠟燭:「畫嘢嗰啲都有嘅,今年好啲喇,有得一齊食飯,之前一、兩年生日都要開工。」

證安仔心情無受影響

講到許志安參加內地歌唱比賽,被評審崔健狠批唱廣東歌不合時宜,曾參加過《蒙面歌王》的克勤直言在另一個角度睇未必是壞事:「多咗人留意,又有啲noise,未必係一件唔好嘅事,我前幾日同安仔踢球,佢都龍精虎猛冇咩嘢,可能講嗰個冇心,聽嗰個冇心,係睇新聞嗰個激動啫。」

音樂冇分語言

問到會否覺得崔健看不起廣東歌?他直言:「雖然唔係真係好認識崔健,但我都相信佢冇惡意嘅,而且佢都係一個舉足輕重嘅老師,我參加《蒙面歌王》嗰時都未必句句啱聽,但就係考你EQ同現場反應嘅時候。」問到他可有因類似原因在揀唱廣東歌時有所顧慮?他直言音樂冇分語言:「每個人對歌都有睇法,香港都有人唔鍾意韓文歌,日文歌,但歌只要感動到人就得。」

講到早前無綫節目《Do姐去Shopping》送了車路士人型紙牌及利物浦手信給本是曼聯擁躉的他,他笑言收禮物是幾個月前的事:「嗰時就打咗個凸,因為全世界都知我係曼聯擁躉,DoDo(鄭裕玲)好細心㗎嘛,不過冇咩嘅,玩吓啫,都冇擺喺心度。」他又表示到節目出街,陸續有朋友致電問他:「有晚半夜劉浩龍打畀我笑咗好耐,我先知原來喺其他人眼中我唔係收曼聯禮物會係咁好笑。」

老婆畀人型紙牌嚇親

克勤又表示禮物已經拿了回家,老婆在第二天起床時更被該人型紙牌嚇親:「利物浦嗰啲就畀咗兩個仔用,個牌就擺咗入倉。(囝囝都鍾意曼聯?)鍾意,但小朋友係博愛啲嘅,咩都鍾意啲,話唔定幾年之後個仔鍾意車路士又拎番個牌出嚟。」

最強娛樂APP《東網巨星》,推出全新遊戲節目《巨星放題》,前八集有謝安琪同陳奕迅擔任星級主持發問IQ題,嚟到最新一集,亦即係第八集準決賽,再有張敬軒加盟做星級考官,淨係「考官」卡士都夠晒強勁。呢集嘅參賽者有張繼聰、「蝦頭」楊詩敏及陳瀅,到底最後邊兩個可以爭取到決賽席位?快啲去《東網巨星》App收睇啦!
《東網巨星》App下載連結
Android App - http://goo.gl/GqQlC2
iOS App - http://goo.gl/ItozKI