葉家寶指暫無繼任人:個職位咁危險

20151208
東網電視
更多新聞短片
葉家寶宣布辭職後返回亞視開工,照片可見他眼現淚痕,似係喊過。

亞視再次拖欠員工薪金,執行董事葉家寶昨日宣布辭職,平日準時八點幾返工的他,今晨十一時許乘七人車回大埔總台,甫現身即引來大批傳媒一擁而上,家寶亦在公關同事陪同下接受訪問,即將離開亞視的他右眼角現淚痕,他坦言心情一路尚未平復,又謂兩、三個月前已向董事會說明,假若公司再拖欠人工或有其他因素,作為執行董事的向也無能為力,故可算是事先張揚的辭職,並謂:「今次嘅辭職我都別無選擇,自己最痛心、最唔開心要暫時離開同事,因為我同同事打拼咁耐,當時希望自己一路堅持,總算覺得係一個階段嘅堅持後嘅終結,加上見到公司有新方向、新投資者,令公司有新做法,我覺得電視台要一代新人換舊人,希望繼續畀多啲新人機會做唔同嘅崗位。」

辭職後可能放長假或讀書

家寶又表示之後未有任何計劃,可能去讀書或放一個長假休息下,自己也不會即時離開公司,亦會以高級副總裁身份留低協助公司短期內的交接,至於是否有人選繼任執行董事一職?他笑謂:「暫時未有,呢個咁危險嘅職位有冇人肯當呢?」並謂相信此次法庭判決給予一眾公司董事、負責人、執董一個明確訊息,對自己來說也是個「終身教訓」,他又指其座右銘「可以是則是,可以止則止,可以久則久,可以速則速」,提醒自己不論做人或在任何地方「可以繼續留就留,可以停止就停止,可以做耐啲就做耐啲,可以快啲走就快啲走。」

家寶亦深信:「人生總有落幕的時候,亦總有另一個起點,希望自己人生邁向另一個高峰。」又祝福亞視、祝福緊守崗位、一起拼搏的同事,語畢便匆匆乘電梯上樓。

緊貼娛樂圈消息嘅《東網巨星》App,於《東網巨星》facebook推出《東網民選TV King & Queen》投票活動。首日投票競爭激烈,想心水藝人獲得佢哋應得嘅民選視帝、視后,就快啲去以下兩個專頁投票啦!
投票連結:
「東網民選TV King」專頁 http://goo.gl/LKnaWu
「東網民選TV Queen」專頁 http://goo.gl/HXMu7J