與王宗堯隔空互片　莊思敏直認唔高興

藝人莊思敏日前喺網上留言：「如果工作是等於唔尊重工作咁我祝你無工開啦。」之後又上載自己油黑咗塊面嘅相，仲話:「立即變黑，得咗...面都得，何況頭髮呢。d（啲）人見識真係小，連頭髮可以用黑彩都唔識。唉...」

雖然莊思敏冇指名道姓話邊個搞到佢咁嬲，兼且講嘢句句有骨，但咁啱王宗堯就喺莊思敏爆seed嘅前一日，喺社交網上寫咗啲同工作態度有關嘅留言，佢話：「如果你為出鏡曝光就咩都做，你只不過係去襯...如果你為數字而拍戲而不是為真正的用心去表演，咁你同老臨有咩分別？Right cast is more important（適合的卡士更重要）！Show some respect to Hong Hong movies...（畀啲尊重香港電影）」至於王宗堯講緊邊個呢？佢都一樣係冇開名嘅，不過二人嘅留言入面都提到「尊重」，因而惹嚟二人疑似不和傳聞！

莊思敏覺得不被尊重

《東網》聯絡莊思敏了解，佢坦言受到同業嘅不尊重對待，雖然莊思敏未有透露對方姓名，但若有所指咁話：「我覺得每個人都應該尊重番自己嘅同業，我理解唔到佢嗰句說話，咩嘢叫開得工多就等於臨時演員呢？咩嘢叫為一個數量而開工就同臨時演員冇分別呢？呢句說話我諗係令到好多演員都會唔開心，尤其係啲比較忙啲嘅人都會唔開心嘅。」她續說：「而且臨時演員都係演員，我理解唔到佢呢句說話，我淨係覺得裏面有唔尊重嘅成分，加上我好肯定呢句說話係衝住我而嚟嘅，所以我唔高興係好正常。」問到對象係咪王宗堯？莊思敏則不多作回應。

王宗堯叫莊思敏專心啲

《東網》聯絡王宗堯，問到「臨時演員」論係咪拍莊思敏？他間接承認說：「不多作回應啦，我指的是你有沒有尊重每一個劇組每一個角色，珍惜你每一次演出機會。」佢又謂希望對方專心拍《PG戀愛指引》：「撞期兼造型角色都很衝突，佢唔願意遷就，咁就不如專心啲。」

最強娛樂APP《東網巨星》，推出全新遊戲節目《巨星放題》，前八集有謝安琪同陳奕迅擔任星級主持發問IQ題，嚟到最新一集，亦即係第八集準決賽，再有張敬軒加盟做星級考官，淨係「考官」卡士都夠晒強勁。呢集嘅參賽者有張繼聰、「蝦頭」楊詩敏及陳瀅，到底最後邊兩個可以爭取到決賽席位？快啲去《東網巨星》App收睇啦！

《東網巨星》App下載連結

Android App - http://goo.gl/GqQlC2

iOS App - http://goo.gl/ItozKI