孖金秀賢做情侶 陳嘉莉直認被迷倒

20151208
東網電視
更多新聞短片
陳嘉莉(左圖)以代言人身份,與韓國男星金秀賢(右上圖左一)合作拍攝廣告短片,羨煞旁人。

有「翻版吳千語」之稱的模特兒陳嘉莉(Kelly)早前以代言人身份,與韓國男星金秀賢合作拍攝廣告短片,羨煞旁人。Kelly到上海一星期拍攝這輯短片,其中兩天更是全日與金秀賢一同演出。

見到金秀賢勁興奮

首次見到金秀賢的Kelly顯得十分興奮,她說:「從來未諗過有機會同金秀賢合作,之前我都有追睇韓劇《來自星星的你》,覺得佢好有魅力,同佢合作過後,對佢更有好感,因為佢好專業,拍攝時好認真,雖然大家有啲語言不通,但佢好努力同我溝通,希望大家演出時更加合拍。」

讚金秀賢電力十足

短片中Kelly與金秀賢飾演一對情侶,她不諱言被金秀賢的眼睛迷倒,不過仍不失其專業態度。她說:「拍攝之前好多人都以為我會好緊張,但我反而平常心,做好自己投入角色就可以。當中有好多場戲同金秀賢要雙眼對望,佢微微一笑配上一雙電眼,先明白佢點解可以成為新一代男神。冇諗到電視瑩光幕上嘅佢,同真人一樣吸引。」

望再拍電影

今次拍攝非常順利,Kelly希望將來機會參予其他電影工作,她說:「今次算係第一次拍咁長同埋需要演技嘅短片,我覺得好好玩,原來自己都幾鍾意拍戲,希望之後可以嘗試更多唔同嘅角色。」

緊貼娛樂圈消息嘅《東網巨星》App,於《東網巨星》facebook推出《東網民選TV King & Queen》投票活動。首日投票競爭激烈,想心水藝人獲得佢哋應得嘅民選視帝、視后,就快啲去以下兩個專頁投票啦!
投票連結:
「東網民選TV King」專頁 http://goo.gl/LKnaWu
「東網民選TV Queen」專頁 http://goo.gl/HXMu7J