星級心水視帝視后　黃秋生胡定欣跑出

最強娛樂資訊App《東網巨星》舉辦的《東網民選TV King & Queen》啟動以來，已吸引了大批粉絲於《東網巨星》Facebook投票及瀏覽，每位候選演員每日的票數及瀏覽量此起彼落，戰況緊張。《東網》亦邀請了一班星級選民包括胡杏兒、岑麗香、楊秀惠、黃心穎、邵仲衡、李麗珍、林盛斌、鄧佩儀、張秀文、陳庭欣、江美儀、方中信，分別投選「星級心水視帝視后」。

一定撐好姊妹

視后級胡杏兒loop完候選名單後，便二話不說講出心聲：「嘩，精彩咯！呢個網頁好多嘢睇喎！正呀！視帝冇辦法，我都係揀黃秋生，因為同佢一齊拍《梟雄》，真係影帝級，返TVB拍劇非常吸引，有魅力，我會支持佢，視后呢……胡定欣我點會唔揀你呢，應該係你啦，It's your time！」岑麗香則投汪明荃一票：「記得一齊拍《華麗轉身》佢啲戲好感動，視帝呢，我會揀《無雙譜》田蕊妮……原來佢冇提名視帝，OK，咁我揀黃秋生，佢啲戲好勁呀！」

而曾與胡定欣合作《鬼同你OT》的楊秀惠，也力撐對方封后：「定欣做得非常好，佢係好姊妹梗係要揀佢，佢今次做得好落力。視帝我就揀陳展鵬，佢做咩角色都非常似。」邵仲衡就力勸三屆視帝黎耀祥讓位給秋生，視后則揀胡定欣。

展鵬嘉欣繼續帶頭做東網民選視帝后

經過統計後，「星級心水視帝視后」由黃秋生力壓票王陳展鵬及張繼聰跑出，胡定欣則一支獨秀由頭帶到尾成為「星級心水視后」。而截至晚上八時的最新《東網民選TV King & Queen》頭三甲走勢，陳展鵬與鍾嘉欣分別以5,968票及3,966票繼續成為票王票后，緊隨其後的「視帝」分別是獲757票的張繼聰、423票的黃秋生；而「視后」第二、第三名則為獲1,681票的胡定欣及784票的陳煒。

緊貼娛樂圈消息嘅《東網巨星》App，於《東網巨星》facebook推出《東網民選TV King & Queen》投票活動。首日投票競爭激烈，想心水藝人獲得佢哋應得嘅民選視帝、視后，就快啲去以下兩個專頁投票啦！

投票連結：

「東網民選TV King」專頁 http://goo.gl/LKnaWu

「東網民選TV Queen」專頁 http://goo.gl/HXMu7J