熊黛林寸爆城城：終於唔使驚做錯嘢

名模熊黛林Lynn以紅色喱士低胸連身裙出席公司發布會，她透露聖誕會與男友郭可頌及其家人去日本旅行，問她是否此行辦婚禮？她甜笑說：「未係住。（求咗婚未？）未。（驚喜？）唔知。（如果求婚會唔會應承？）睇啲嘢齊唔齊全啦，好似戒指、花同跪地，其他就希望有啲新意。（男友係Mr.Right？）都應該係，否則都唔會咁快向大家公開。（ready結婚？）係，最重要係對方畀到你安全感，令你覺得下半世都想同呢個人一齊。（係咪以前冇安全感？ ）之前幾段感情自己太後生，唔識拍拖，不過都要睇緣份同性格，依家呢個好成熟。（係咪好慶幸搵到佢？）都係。」

問她可有留意前度郭富城的新戀情？她首度開腔回應說：「一定睇到，日日都有新聞。（覺得佢哋襯唔襯？）自己開心同鍾意就得，我呢啲外人只可以祝福。（會唔會唔開心，佢以前冇咁高調？）我依家開心就唔會諗以前，以前啲嘢已經唔重要，每個人都有成長經歷。」她指不認識城城新歡方媛，不方便評論對方是否轉了嫩口口味。

早前Lynn在網上大晒與男友的情侶鞋，問她是否反擊？她即說：「冇話反唔反擊？呢個公眾地方，你晒得，我又晒得，大家開心就好。（佢話生活唔係戰場，唔需要一較高下？）我覺得唔肯定自己係咪幸福嘅人先要同人比較，我依家冇咁嘅需要。（依家好幸福？ ）大家睇得出，從我笑容就知。（係咪因為依家見得光？）哈哈，係終於可以舒舒服服，唔使驚講錯嘢、做錯嘢，好似普通人咁！」對於城城公開戀情後遭到負評？她認為不可以令每個人的想法一樣，但就祝福大家找到自己愛的人，其他事就不評論。

緊貼娛樂圈消息嘅《東網巨星》App，於《東網巨星》facebook推出《東網民選TV King & Queen》投票活動。首日投票競爭激烈，想心水藝人獲得佢哋應得嘅民選視帝、視后，就快啲去以下兩個專頁投票啦！

投票連結：

「東網民選TV King」專頁 http://goo.gl/LKnaWu

「東網民選TV Queen」專頁 http://goo.gl/HXMu7J