李泳漢結婚　阿Sa賀阿嬌甩難

Twins出席頒獎禮活動，兩人表示活動後便要趕去為演唱會排舞及Fitting。

問到連日排舞是否瘦了很多？阿嬌謂：「係健康好多，出咗好多汗，件衫好似畀盆水淋完一樣。」而阿Sa謂其中一Part是要兩人跳貼身舞，但阿嬌因太濕，抱她時都有點退縮。問到是否有汗臭味？阿Sa即言：「冇，係香汗淋漓。」阿Sa稱因阿嬌大汗怕熱，打算到時舞台上可能要設八把大風扇，阿Sa又謂已和設計師說要為她設計長袖衫，因她怕凍。

講到今日阿嬌前度韓國男友K先生的女友Jessica亦有在場，問到阿嬌可有和Jessica見過面？阿嬌沒有回答，反而身旁的阿Sa代為回應說：「做嘢見過好多次啦，做呢行點都會見到。（但你哋係打頭兩陣，而Jessica係最後先嚟，係為咗避開大家？）呢啲係你哋咁寫啫。」

另外，談到當年阿嬌被李泳漢指是她前世夫妻，而李泳漢日前宣布與圈外女友結婚，阿Sa即抵死賀阿嬌甩難：「恭喜佢，亦恭喜你（阿嬌）。」阿嬌坦言：「有睇新聞，聽講佢係有咗小朋友嘛，祝佢幸福美滿嘅婚姻。（前世老公娶老婆會唔會有失落？）冇，我係絕緣。」再阿嬌稱當年報道後，對方有次見到她都有向她說不好意思。講到今世緣未續，可會留待下世？阿嬌笑謂：「絕緣啦！」