阿梅遺物遭拍賣　譚耀文回應泣不成聲

巨星梅艷芳的三千多件遺物，昨日再被人以網上形式拍賣，拍賣物件包括獎項、配飾，甚至貼身內衣等等（相關新聞： http://goo.gl/HjraD8 ）。

徒弟譚耀文非常心痛

阿梅徒弟譚耀文得知後，在微博大表憤怒，怒轟拍賣，誓要捍衞梅姐的尊嚴！阿譚接受《東網》記者訪問：「我真係好心痛，已經喺微博表示我嘅不滿，作為梅艷芳徒弟、朋友及所有歌迷都唔願見到咁嘅情況，點解要用拍賣形式賣呢啲嘢，我知道可能最終會落喺歌迷手上，但經過咁嘅競投、拍賣，係一種侮辱，絕對係一種侮辱。」

「賣到十億都係一種侮辱」

阿譚說到激動之處，忍不住泣不成聲，他哭着說：「侮辱咗一個為香港付出咗咁多嘅巨星、影后，歌后，你用百幾二百元底價拍賣佢啲私人嘢，即使賣到十億都係一種侮辱。」所以他希望這種侮辱行為即刻停止，希望可以用另一種方式去轉讓，歌迷會可以用文字、合約去見證代收這些遺物，這樣具紀念性有價值的遺物，可以放在一個有紀念性、歌迷會的地方供人欣賞。

提出為基金籌錢

阿譚續說：「點解信託公司唔可以做呢樣嘢，點解唔可以做呢樣嘢？」他再三強調拍賣阿梅的遺物是侮辱、不尊重，希望有關單位及歌迷會合力去將這件事解決：「傷害咗全世界梅艷芳嘅歌迷及朋友嘅心，點解要咁做？」阿譚甚至提出為阿梅的信託基金籌錢，他說：「如果信託基金不夠錢運作，我可以叫所有徒弟、朋友、生前老友去做慈善演唱會籌款囉！」

最強娛樂APP《東網巨星》，推出全新遊戲節目《巨星放題》，前八集有謝安琪同陳奕迅擔任星級主持發問IQ題，嚟到最新一集，亦即係第九集終極之戰Round 1，再有張敬軒加盟做星級考官，淨係「考官」卡士都夠晒強勁。呢集有周秀娜、連詩雅（Shiga）、楊詩敏（蝦頭）及陳瀅四位參賽者！到底最後邊個可以榮登「放題IQ 王」的寶座？快啲去《東網巨星》App收睇啦！

最強娛樂APP「東網巨星」下載連結：