朱晨麗全力一谷　撼贏薄紗乳牛高海寧

每次有大型活動，有無綫乳牛之稱嘅高海寧嘅打扮都會成為大家關注嘅重點。不過今年佢一早放風話唔會性感，結果原來佢冇呃大家，佢真係以唔算太性感嘅姿態現身，雖然都見到條事業線，但真係要落足眼力先望到，而且仲要係條深長事業線上面加個薄紗，真係唔話佢大殺「峰」景都唔得。

至於朱晨麗就真係令人眼前一亮，可以話係倍數擊倒高海寧，佢以一襲上身近似GIRDLE設計嘅晚裝亮相，谷出強勁心形胸，盡展佢34.5上圍嘅實力，而暫時嚟講，佢嘅「胸」湧指數肯定係今晚嘅頭三甲。

小心呼吸免爆衫

談到今晚性感示人，朱晨麗表示：「最緊要靚！尋日設計師專登幫我整過，都仲係有啲緊。（怕迫爆衫？）應該唔會，都黐晒膠紙，今晚要好lady咁小心呼吸先可以避免爆衫。」

暗寸朱晨麗

而高海寧談到今晚裝扮時，她笑說：「本來係着另一條裙，呢條係臨時轉，經理人話着grand啲好。（性感失色？）最緊要靚，今晚頒獎禮要坐好耐，條裙都要舒服。」咦？呢句嘢係咪暗寸朱晨麗㗎？