秋生讚韋家雄有潛力　寄語咪多口

在無綫足足捱了二十個年頭的藝人韋家雄，憑劇集《梟雄》獲頒「最佳男配角」，他獲獎時，全場藝人勁振奮，不斷擁抱他並與他握手表示恭喜，足證他實至名歸。韋家雄事後表示好開心，並謂會繼續努力，問到會否覺得獎項來得太遲？他笑說：「唔會，好過唔嚟。」

問到是黃秋生哪一句說話改變了他，在旁的黃秋生即笑着搶答：「我問佢Canteen喺邊。其實佢潛力好大，佢好好，有咁大潛力冇畀人睇到，做咩要左掩右掩？有咩嘢要畀人睇先得，唔好收埋。同埋叫佢平時唔好咁多口。」

經典綠葉

現年五十歲的韋家雄，雖然是神級電視及電影製作人韋家輝的胞弟，但卻沒有因哥哥的關係扶搖直上。在無綫演繹過無數綠葉角色的他，於1995年時裝處境喜劇《真情》中演繹的「李子力」、2001年清末民初劇《酒是故鄉醇》「何水清」和2004年清裝宮廷電視劇《金枝慾孽》中的「陳爽」等等，均令港人留下不少印象。

曾與翠翠傳緋聞

到了2012年，家雄可說終於「捱出頭」，在時裝愛情劇《4 In Love》做單元男主角「鍾炳良」。當時更有指他主動教同劇的前港姐葉翠翠演戲，因而傳出緋聞，女方更大讚家雄專業，不過二人「戀情」不了了之。

唔Mind做綠葉：每個角色都係主角

早前韋家雄接受《東網》專訪，被問到廿多年來一直擔任配角有否不甘心？他認為只要做好自己的角色就好：「我覺得每個角色都係主角，一套劇冇咗啲細小嘅齒輪亦唔會好睇，喺《4 In Love》都試過做一個單元主角，自己又冇諗過要做主角。」足證他對演藝事業敬業樂業。

一直默默耕耘的家雄，最終憑《梟雄》扮演秋生左右手「麥瀚林」勇奪「最佳男配角」。