尹光開騷記咗幾個月歌詞

前輩歌手尹光於文化中心舉行一埸「尹光唱盡粵語流行曲歌壇演變史演唱會」，邀得柳影虹、張美峯及李麗儀做嘉賓，吸引同公司的Kellyjackie及莫旭秋捧場，全埸爆滿。尹光獻唱了十一首新歌，他說：「係辛苦啲，我敬業樂業，企喺度到瞓係度都記歌詞，記咗幾個月，冇電視睇歌詞，我喺樂壇超過六十年，幾歲就唱歌。」

尹光透露早前獲泰國一個中文電視台邀請拍攝節目，他說：「佢要求我玩小提琴，我就邊彈邊唱《上海灘》，之後好多人睇完好鍾意，要求我今晚要彈住演出。」對於張敬軒早前在內地舉行演唱會中戲唱其金曲，尹光說：「佢唱得好好。（佢話想同你合作？）十幾年前喺蔡國權活動同佢合作過，佢把聲好靚又唱到高音，當時都叫佢努力，今時今日軒仔咁紅。」

尹光表示明年二月將舉行粵曲夜，他說：「做完三場演唱會就會走埠，明年二月原本有場加拿大演出，但因為太急，撞咗場粵曲夜，所以冇做到。」由於歐美近月發生恐怖襲擊，問到會否少去當地登台？尹光說：「之前去咗英國登台一日，玩足二十日，旅遊為主。」