得罪人多？洪永城慘成眾女「復仇」對象

洪永城、岑麗香、姚子羚、劉佩玥等到觀塘為無綫劇集《實習天使》宣傳，眾人齊齊玩碰碰球，洪永城成為眾女藝員「復仇」對象。洪永城透露監製滿意收視，希望之後有鼓舞的故事發展能吸引觀眾，收視會上升。

在台慶頒奬禮奪得「飛躍進步男藝員」的洪永城被問到與女友唐詩詠怎樣慶祝？他說：「冇時間慶祝，要開工，攬住過奬訓囉。（唐詩詠攬住你瞓？）唔係，一月會有假期希望可以休息吓沈澱吓。（旅行？）未諗呀，想hea吓，未有計劃。（聖誕節同唐詩詠點慶祝？）要開工，會同《味想天開》嘅同事喺公司慶祝，睇吓佢嚟唔嚟公司慶祝。（買咗禮物畀唐詩詠未？）訂咗禮物畀同事。」

岑麗香聖誕節要忙於為劇集《火線下的江湖大佬》開工，香香透露到時要忙拍劇，男友不會來港一齊慶祝，問香香買禮物了嗎？她說：「唔好講咁多喇。（公司唔鍾意？）唔係，想低調啲，想保持私隱。（男朋友有壓力？）自己有壓力，希望工作還工作，私事還私事。（男友有冇睇實習天使？）有睇，不過要睇字幕。」香香明顯消瘦了不少，她表示近期盡力keep fit做運動、跑步、GYM，因在《火線下的江湖大佬》內要舞動重量十足的獅頭。