石修激讚李司棋廚藝冇得頂

藝人石修、李司棋、李尚正和鄺芷凡在觀塘拍攝有線節目《食得有法「補」》。與李司棋合作做主持的石修就大讚對方對煮食甚有研究：「有新菜式佢係可以唔睇劇本、資料都講到晒成個步驟。（你都係專家喎！）我唔係好識煮嘢，幫吓手咁就有。」他表示主要負責幫老婆執頭執尾：「洗菜、切菜就識，洗碗冇人做都係我做。」

而李司棋就指煮食最緊要是要了解食材的特質：「同做人一樣。」問會否煮聖誕大餐，李司棋就指自己不會親手火雞，會叫附近餐廳代勞。而石修亦透露聖誕期間會離隊出埠工作，李司棋聞言即笑謂：「兩個禮拜好喇！」