甄詠珊安俊豪做手作送粉絲

20151218
東網電視
更多新聞短片
聖誕佳節即將來臨,歌手甄詠珊(Carisa)與師弟安俊豪(Simon)就聯手整皮革鎖匙扣共度佳節!

聖誕佳節即將來臨,歌手甄詠珊(Carisa)與師弟安俊豪(Simon)就聯手整皮革鎖匙扣共度佳節,見二人都整得有板有眼,而Carisa又不時幫忙指導Simon,盡顯大師姐風範,最終兩人只花約一小時左右便製作成功,並表示將會送給粉絲!

雖然Simon身為男孩子,但做起手作仔時亳無難道,他說:「對我哋兩個嚟講就唔係好難,甄詠珊佢本身成日玩勞作,咁我自己就學過Fashion,所以識縫嘢。」向來熱愛做手作仔的Carisa,自爆近日迷上整番梘,她說:「自己最近都整咗啲番梘。(難唔難?)好累,其實因為你隻手都不停係咁郁,不過可以減拜拜肉囉。」

講到二人過得最難忘的聖誕節,Simon某年聖誕節在泰國避寒,竟遇上美國男星畢彼特(Brad Pitt),他說:「因為我媽媽係泰國人,而我哋全家都好驚凍,有一年我哋聖誕去泰國避寒,就撞到畢彼特,我係商場見到佢,覺得好熟口面,跟住原來係畢彼特,之後我家姐就衝埋去影相,嗰陣細個唔知邊個無咩反應,我而家諗返好後悔無影相。」而Carisa則某年與歌神許冠傑渡過:「嗰陣佢開演唱會,我係其中一個天使,跟住佢巡迴演出,咁啱嗰年聖誕節我哋就去咗多倫多,Sam除咗彈結他唱歌畀我哋聽之外,仲每人送咗份聖誕禮物𠻹!」