網民熱話：鍾景輝「陰森微笑」勁心寒

近日喺無綫台慶發表「老人論」嘅戲劇大師鍾景輝（King Sir），無論講演技定態度方面都令唔少後輩佩服得五體投地，其獨有嘅聲線更曾被王祖藍、黃秋生、李思捷等一眾後起之秀模仿過多次，成為經典中嘅經典！而King Sir喺無綫劇集《實習天使》中嘅演出更勾起咗大批網民對佢印象，仲隨即翻loop佢過往經典之作。

貴為香港戲劇協會會長嘅King Sir曾於2006年榮獲「萬千光輝演藝大獎」，所演出嘅作品不計其數，經典之作可謂一套接一套，而網民今次就發現，於云云作品當中唯一冇變嘅除咗係佢嗰把《尋找他鄉的故事》嘅聲線外，仲有個睇佢唔透嘅「陰森微笑」！唔少由細睇King Sir到大嘅影迷都話依家齋睇到佢嘅硬照都已經可以自行性配音：「望到佢個樣完全係有聲！尋找家鄉的故事～」

其後，有網民更cap低咗King Sir喺《實習天使》中出現嘅微笑同佢喺1996年電影《賭神3之少年賭神》做對比，仲留言話「勒能」再現：「少年賭神？高進養父，勒能！點解可以一樣！一樣咁令人心寒！」然而，除咗《賭》一戲外，King Sir喺拍廣告時由心而發嘅微笑一樣照令大批網民打晒冷震，：「就連佢同鄧萃雯個廣告都一樣令人心寒，一笑就覺得佢有企圖！」不過其中亦有觀眾認為於《實》中戴上假髮嘅King Sir形象搞笑比陰森多，仲有啲似藝人蘇施黃添！

網民有話兒：

tedxxxx：他好像永遠對著（着）你笑，笑得你心裡（裏）發寒…

x你知x：就連佢同鄧萃雯個廣告都一樣令人心寒，一笑就覺得佢有企圖！

cheungxxxxxx：我睇住張相笑咗好耐，點解有聲嘅？？？

不能說的xx：少年賭神？高進養父，勒能！點解可以一樣！一樣咁令人心寒！

0xxx00：望到佢個樣完全係有聲！尋找家鄉的故事

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

　http://on.cc/redirect/entertainment