《星球大戰：原力覺醒》開畫破紀錄收近廿億

荷里活話題作《星球大戰：原力覺醒》(Star Wars：The Force Awakens)喺上星期終於開畫，全球粉絲當然即時撲飛入場，而喺北美票房方面就預計會大收2.55億美元(約19.89億港元)，成功撼低暑假上映嘅《侏羅紀世界》(Jurassic World)登上最賣座開畫電影，為挑戰全年最高收入作品踏出重要一步。至於3D動畫《花鼠明星俱樂部：開心大唱遊》(Alvin and the Chipmunks: The Road Chip)就預計喺週末收1420萬美元(約1.1億港元)排第二，但已經輸足成條街！