盧海鵬扮老女人　搵周潤發做老公

藝人盧海鵬出席藝進同學會的舞台劇《才子亂點俏佳人》綵排，在劇中反串做太帥夫人的他，受訪時又發揮無厘頭搞笑本色，被問反串是否需要裝假胸？他說：「唔使，太師夫人咁老啦！（好妖艷？）有時艷有時唔艷咁啦！」目前已排戲十多日，但未知入台排演時間。

老公日日唔同

至於誰飾演他的「老公」？他笑說：「日日唔同㗎喎！太師最後先出場。（周潤發？）有，但唔知幾時，到時邊個嚟咪邊個囉！」又謂排戲辛苦，而且新人多，要唱歌跳舞，至於他需要跳舞嗎？他說：「我跳就跳老舞囉！啲丫鬟跳群舞，太師唔使跳嘅！（緊張？）都唔知緊張去咗邊！」他亦透露李國麟做他的兒子，而陳佩思則做女兒。

爆肚自己執手尾

問到陳佩思會否擔心盧海鵬臨場爆肚？她說：「我帶定好大個袋裝鵬哥啲爆肚㗎啦！（怕接唔到？）可唔可以唔好爆呀？」盧海鵬則謂：「爆肚我自己會搞番掂㗎啦！」