盧巧音剖白霆鋒余文樂兩段姊弟戀

歌手盧巧音（Candy）最近接受有線節目《往事．並不如煙》主持吳綺莉訪問。兩人談到Candy的男仔頭性格，Candy就指此性格吸引很多追求者：「我由細到大都好『男仔頭』，好容易同男仔打成一片，可能因為咁會較多男仔追求我。」更自爆小學已初戀，讀書時間亦有多次戀愛經歷，最後卻無疾而終。

講到入行後正式公開的男友，Candy坦承非謝霆鋒莫屬：「當年我哋一齊開音樂會，仲突然上前送花畀我，又主動追求我，之後我哋好自然就一齊，可惜好快就發現大家性格唔夾，只係維持咗幾個月就分手。」她更開玩笑指：「可能佢發現現實中嘅我並唔係想像中咁型啩！只係一個普通女人仔。」

她又講到與余文樂的一段情：「我哋因為合作廣播劇而發生感情，當時大家都好愛對方，好認真，不過最後因為一個誤會而分手，依家諗番都覺得好可惜。」回顧兩段姊弟戀，Candy覺得是一個難忘的經歷：「雖然係姊弟戀，但我唔覺得好似湊仔咁，相反佢哋思想好成熟，好照顧我。依家見到佢哋發展得咁好，替佢哋好開心。」