同「家駒」合唱 家強：個心都離一離
20151221
東網電視
更多新聞短片
家強話自己睇到個心都離一離呀！
歌手黃家強近日成為網上「火頭」被網民狂轟，早前因與內地手機合作，其宣傳海報用上已故其兄黃家駒的照片及「海闊天空」四字作宣傳，家強即被指借哥搵錢，而手機商更以「家駒」和家強再度合唱成宣傳焦點，令不少內地Beyond歌迷很期待這次「兄弟合唱」。
「兄弟深情擁抱」
今晚家強於東莞出席手機發布會，大會播出家強與「家駒」的MV，MV中「家駒」穿紅色外套，十足家駒的喜愛造型，家強則穿上白色恤衫，去到MV尾段家強說出對白：「喺22年嚟我嘅經歷有高有低，但每當我枱起頭看到你嘅時候，所有嘅磨難都不值得一提，你嘅信念海闊天空，我嘅人生超級續航。」最後，家強和「家駒」奔向對方來個「兄弟深情擁抱」。
網民嫌膠
黃家強在發布會上亦有拿着結他即場獻唱，穿上黑色西裝的家強唱歌期間，突然在舞台的另一邊出現一個疑似黃家駒的影像，不過歌曲一完「家駒」立刻消失！有自稱身在發布會的網民，指大會是以投影方式令家駒「現身」，又指「家駒」輪廓奇怪，樣子夠「膠」外，就連聲線都完全比不上真正的家駒，仲話一聽就知是有人扮家駒唱歌，並非家駒的聲音！
家強話廣告商已盡力
家強在發布會後接受《東網》訪問，他說：「現場只顧投入演出，冇睇清楚，依家放大啲圖片睇，果然個心都離一離，但我相信廣告商已經盡咗力，或者係科技上未達標，但意義上已經達到，好多歌迷喺微博上留言支持我，都話睇直播睇到淚奔，感受到大會對家駒嘅愛，都好支持今次嘅善舉。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：