潛水險出事 何佩瑜晒水着「黑沙」誘惑
20151222
東網電視
更多新聞短片
何佩瑜趁有空檔去咗峇里叉電度假。
女星何佩瑜（Jeana）正忙拍《導火新聞線》電影版，在埋位工作前，抽空去了一轉印尼峇里叉足電準備工作，穿比堅尼同陽光海灘玩遊戲，又在罕見的黑沙灘玩得一身烏卒卒！她笑說：「我係第一次見黑色沙灘，成個灘都係黑色礦物沙，好幼好滑，好得意。」
上一世係水底生物？
Jeana此行與一班相識多年的朋友結伴而遊，她表示：「我一見到水就會發癲，我都懷疑上一世係咪水底生物，總之好鍾意海，游水、海底、水上活動所有嘢，所以一知朋友有呢個trip，我即刻報名去。」
潛水「嚇餐死」
熱愛水上活動的Jeana，更沒有放過潛水的機會，但她談起今次經驗坦言「嚇餐死」，她說：「我係第二次潛水，第一次喺沖繩，都相隔八年，基本上都唔係好識。今次潛水落到四、五米時，耳仔好痛；潛到十米度嘅時候，我好驚、好緊張，跟住不停做番啲減壓嘅嘢，但耳仔都紅晒，嚇死我！我即刻衝番上水面，其實咁唔係太好，因為水壓會變得好危險，我即刻就諗起句話叫欺山莫欺水。」
所幸有驚無險，她重拾心情後，便再度潛入海中體驗海底的樂趣：「後來落番海底，慢慢適應番，習慣點呼吸嘅時候，就開始擺吓甫士玩吓，攞手上嘅麵包出嚟，啲魚就會游埋嚟，覺得好似同啲魚仔一齊游水，好正呀，依家我都想喺香港考番個潛水牌。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：