Kelly餅印細囝陪開騷 唔肯落台勁萌

20151223
東網電視
更多新聞短片
真係全場都畀佢兩兄弟萌倒。
天后陳慧琳(Kelly)闊別多年紅館再開個唱,昨晚仲請來兩位特別嘉賓,呢兩位嘉賓非常特別,係邊個?就係Kelly兩個囝囝「蝦餃仔」劉昇同「小龍包」劉琛。Kelly一身女神Look,一隻手拖住「蝦餃仔」,另一隻手拖住「小龍包」大唱經典歌《星夢情真》,除咗勾起好多7、80後集體回憶外,最大發現就係3歲嘅「小龍包」愈大愈似Kelly,真係餅印一樣,貼個郵票喺額頭包保唔會寄失。
「蝦餃仔」同「小龍包」似乎幾有音樂天份,跟住媽咪唱歌節奏郁來郁去,大會Screen更特寫「小龍包」萌到爆嘅笑臉,真係勁似Kelly囉,連台下睇騷嘅Kelly老公Alex都大嗌叫兩個囝囝Chok啲萌啲!
而蝦餃仔同小龍包最後更唔捨得媽媽,攬實唔放手,差啲唔肯落台。Kelly即言:「做媽咪真係唔簡單,仲難做過歌手。」唱完歌後,Kelly蹲下身攬住兩個囝囝,叫囝囝唔使怕,仲叫仔仔同台下爸爸Alex打招呼,又叫觀眾幫佢哋三母子影相,Kelly笑說:「影多啲相唔該!好難得呢個機會!」然後佢又叫小龍包做一個cute樣,萌爆嘅小龍包即伸脷又冧笑,令全場觀眾開心起哄。
另一位天后容祖兒仲同媽咪余金鳳睇Kelly個騷,見到「小龍包」咁可愛,都特意喺fb留言話:「今天支持KELLY,還有兩位超級可愛的特別嘉賓,蝦餃和小籠(龍)包!非常溫馨呀~~~羨慕呀!」而Kelly自己都忍唔住甫咁溫馨場面上fb,網友當然爆Like啦!
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結: