黃芷晴大時大節宣布分手：望有人要

藝人黃日華女兒黃芷晴出席活動。問平安夜是否與圈外男友慶祝？她透露四個月前已經分手：「兩個人相處嘅問題係大家都忙，我之前忙緊舞台劇，今年多咗拗撬，不如做番朋友。（有第三者？）唔係。（和平分手？）係，大家仲係朋友，演舞台劇時佢都有送花籃畀我，都好開心。」她表示早前與「牛雜妹」李美琪旅行散心。

提到今個聖誕要孤獨過節，她說：「仲有屋企人，同埋約咗班朋友整嘢食。（屋企人有冇過問感情事？）有問我係咪諗清楚，阿媽叫我去識啲新朋友，驚我一個人好寂寞。（佢哋好鍾意舊愛？）覺得佢乖。」問擇偶條件？她笑言有人要就夠：「好多朋友都結晒婚。（急結婚？）啲朋友笑我平時做嘢着得多婚紗，知道自己適合咩Style，但就未到我！」