Twins綵排凌空踢腿 阿嬌兩度險墮
20151228
東網電視
更多新聞短片
小心呀！
組合Twins為《#TWINS#LOL#LIVE IN HK》演唱會進行綵排，兩人即場勁跳《Ichiban興奮》，更被舞蹈員抬起，站在膊頭上凌空踢腿，難度甚高！到尾段擺甫士拍照時，被抬高的鍾欣潼（阿嬌）與蔡卓妍（阿Sa）一齊做出攤坐動作，而首次做這個動作的阿嬌卻因為不夠熟練而兩度險墮，不過專業的她依然保持笑容，認真驚險！
排舞搞到周身瘀
講到排舞中只有舞蹈員打側手翻，未見兩人大顯身手，兩人直言其實側手翻已經100%練成，叫大家期待。她們又表示之前因在排舞室練習受樓底所限，所以有好多抬起動作都是今天第一次試：「因為唔夠高，抬起就會頂頭，要就住，第一次喺依個場就可以排晒。」阿Sa又表示練舞練到周身瘀：「對腳瘀晒，我影咗張相Send畀排舞師，點知佢攞咗做Wallpaper，真係好變態。」她們又表示今次排的舞會在倒數後跳，問到可會擔心倒數會同2004年開騷一樣有音響小意外？兩人即說：「啋過你，逢凶化吉！」
想請同期組合做嘉賓
談到今次開騷可會性感登場？兩人表示尚未見到開騷的衫：「會去試啲衫，依家暫時只見過一件。（好性感？）見仁見智啦，可以我依家都會有人覺得我性感架。」兩人又講到要諗演唱會嘉賓最令人頭痛，一來難就期，二來又受「條件」限制：「有啲一早就話咗嚟唔到，有啲臨時先話唔得，同埋我哋今次請嘅都係同我哋同期嘅組合，而又未拆夥，所以人選本來就唔多。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：