拍《男親》續集？嘟嘟：Never say never
20151230
東網電視
更多新聞短片
對於拍續集，嘟嘟好似未揸定主意。
藝人鄭裕玲（嘟嘟）在主持的電台節目中，大方提起當年與黃子華拍攝的劇集《男親女愛》的事，她說：「15年前拍攝時所有演員感情都好好，會一齊食飯，當時十周年再約出嚟食飯，之後相隔一兩年都會出約出嚟食飯。」由於無綫早前翻播劇集，習慣早睡早起的嘟嘟說：「咁啱早排喺午夜電視劇場播番，大家再約出嚟食飯，不過搵唔到苑瓊丹，阮小儀喺instagram投訴冇人約佢，因為苑瓊丹冇期都冇出嚟。」
問到嘟嘟是否真的開拍《男親女愛》續集？她說：「飯局期間有人提議拍一、兩集過吓癮，大家講得好開心，我呢啲即刻收聲。（男主角點講？）其實係佢提議，大家好快就轉咗話題，大家都想呢件事發生，傳媒都有打畀飯局嘅人問過。（咁係咪拍續集？）世事嘅嘢never say never，但係end係最高嘅point，無論人氣同收視，人就係咁，有個期望喺嗰度，但係我哋可唔可以去返嗰個位呢？就算我哋好有心機去拍，拍出嚟啲人嘅反應係『哦』。」
問到嘟嘟會否同子華以其他形式合作？嘟嘟說：「廣告都拍過，其實有人搵過我哋拍電影，不過推咗，因為未去到我哋嘅期望。（最引到你出山係咪拍攝續集？）好難有依個可能，同出去食飯兩樣嘢，要對觀眾負責任。」嘟嘟笑言子華生活於歐洲時間：「佢好忙諗嘢，佢係匿埋諗嘢嘅人，唔見人，喺棟篤笑咪出嚟囉，生活同黃耀明一樣，歐洲時間，只係飯局見到佢先update到佢啲嘢。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：