羅穎怡千萬首飾出嫁 林知譽娶得好老婆
20160102
東網電視
更多新聞短片
林知譽陪同太太會見傳媒，羅穎怡表示身上的首飾未計頂冠的鑽石已超過100卡。
達利國際創辦人林富華長子林知譽（Will）和羅氏針織後人羅穎怡（Wendy）今天大婚，假君悅酒店筵開50圍宴請親友，身穿巴黎品牌Rosa Clara婚紗示人的Wendy和Will於下午5時會見傳媒，而姊妹團趙式芝、林煒琦、雷怡暉和郭詩慧等亦陪同一對新人合照，拍照期間，Will錫了Wendy面珠兩次，十分恩愛！Wendy表示沒有緊張，但心情興奮和開心，Will亦是，並表示昨晚睡得很好。
問Will今早接新娘過程是否很緊張？給了九萬九千九百九十九元開門利是終能抱得美人歸的他說：「緊張，因為姊妹團準備咗啲好有挑戰性嘅遊戲，其中一個我要扮鬆弛熊，跳唔同嘅舞步，又有跳難度高舞姿。（點難度高？）要轉好多圈，同埋佢哋又準備好多嘢食，要食壽司，有甜酸苦辣嘅。（老婆畀100分你，你畀老婆幾多分？）唔止100分，畀老婆無限分。（今朝有冇講愛的宣言？）有，我話一生一世咁愛佢、照顧佢，令佢一生一世都幸福。」
南美度蜜月：睇天空之鏡
問Wendy聽到Will之說話是否很感動？她表示很感動，又透露自己愛的宣言：「正如我哋刻喺自家設計戒指入面嘅承諾，我會畀佢無限的愛。（婚後開始造人？）未計劃呢步，想二人世界吓先，去完蜜月旅行先。」Will補充說：「玩咗先，順其自然。」Wendy其後透露會到南美洲度蜜月：「會去秘魯同玻利維亞，想去睇天空之鏡，會去兩個星期。」
問婚禮是否豪花逾千萬？Will說：「具體數字未知，最緊要老婆開心，娶到個咁好嘅老婆。（一陣有冇致詞？）會感謝雙方父母。（Wendy會唔會忍唔住喊？）我會睇住佢。」
Wendy其後透露頸上和耳上的珠寶超過100卡，未計頭頂的后冠，大部分首飾是自己設計，部分由老爺奶奶、父母和親友贈送，今晚將有四套珠寶，價值總共逾千萬。
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：