驚動L着鬆身褲！吳業坤去飲變萬人迷
20160102
東網電視
更多新聞短片
坤坤（左圖左）最近Hit爆網絡，就連去黃美芬餐喜酒都勁受歡迎。
在叱咤頒獎禮以新人姿態狂掃獎項的歌手吳業坤，於灣仔出席前亞視藝員兼現為蔡瀚億（BabyJohn）經理人的黃美芬和星娛樂唱片公司總經理Tommy Chu舉行之婚宴派對，而張智霖及太太袁詠儀、諸葛紫岐與老公薛嘉麟等亦有現身道賀。
動L有原因
拍完無綫劇集《愛．回家》即趕到現場的坤坤大受一對新人歡迎，他向新郎Tommy Chu敬酒時，對方大方笑言今晚恍如坤坤的慶功宴，又戲稱要他幫手埋單。而同場的田蕊妮又向坤坤送抱鼓勵，更搞笑揶揄日前於台上「動L」的他：「點呀！你今日條褲有啲鬆！」
受訪時，坤坤表示今日特意穿上鬆身褲，以後會檢討衣着：「好尷尬，唔知自己表現咁突出！過咗今日希望大家Focus番音樂方面。我都有同件衫嘅設計師講番，佢話度漏咗少少嘢。」他接着表示2016年「幾」囍臨門，自覺好運及開心。談到現場新人及薛嘉麟夫婦等主動邀他合照，似乎搶去新人的風頭？坤坤即稱不敢當：「Tommy好錫我。（佢叫你幫手埋單。）嚇吓我啫，都多謝老闆薛生（薛嘉麟），難得有機會見。」
提到薛嘉麟夫婦似乎有意捧他為一哥，坤坤透露公司會為他舉行音樂會及推出大碟：「未聽過呢個計劃，但知道會搞音樂會。依家儲緊歌，可能會出大碟，有8至10首歌。」
預5位數請食飯
問到他為新人準備甚麼禮物？坤坤指帶了人情到場：「帶人情同最喜愛男歌手嚟，拍完劇嚟遲咗，希望新人原諒。」提到他為何不帶緋聞女友龔嘉欣到場？坤坤說：「唔使，佢同新人唔認識。拍劇時大家都恭喜我同拍掌鼓勵。」問他會否約嘉欣撐枱腳食飯？坤坤自爆預備5位數請劇組及星娛樂公司同事食飯：「成班人食團年飯。（你埋單？）開心錢要使就使。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：