被指偷食　周渝民孖老婆睇演唱會闢謠

啱啱一個月前先至喺微博晒戒指公布同喻虹淵結婚嘅台灣男星周渝民，早兩日有一名女子突然爆料贈興，指自己與周渝民去年六月喺泰國有「親密關係」，仲話仔都已經有埋，咁啱周渝民當時身在泰國拍戲，令到出軌事件似層層，周渝民經理人為咗平息事件即時作出回應：「不是事實，不作回應。」

雖然出軌事件炒得鬧哄哄，不過周渝民就好似唔多受到影響，尋晚就同老婆喻虹淵拍住拖去睇王心凌嘅演唱會，見佢哋兩個坐喺前排密密斟好好傾，老婆喻虹淵仲不時冧笑望實周渝民晒恩愛，睇嚟喻虹淵完全冇擺過出軌事件上心，對老公絕對信任。