吳業坤拍真人騷底線：沖涼唔影得

歌手吳業坤現身電台，講到有報道指他收入急升，他表示：「少少調整都會有，但好開心大家搵我唱歌。（多咗幾多job？）冇特別計，等多一、兩個月先知有冇多咗。」講到他即將舉行簽唱會，問到簽唱會可是爆紅後才接？他表示：「一早定咗，其實我都想快啲搞，因為出咗碟都有一、兩個月，都差fans好多債。」講到「動L」事件，問到他到時可會再着短褲？他笑言：「唔會，有陰影，會着鬆身啲，設計師都同我講咗唔好意思，佢話可能度漏咗。」問到下次着褲該部位可會留番鬆啲位？他即大講有味笑話：「留番個位嚟擺獎，唔好讀歪。」

冇影響心情：過咗去嘅野唔怕分享

講到他現時有所成就，媽媽可感安慰？他即以「兒子生性病母倍感安慰」來表示：「因為兒子生性，我媽咪冇病嘅，但佢開心嘅。（點慶祝？）特登同佢食飯，諗住同佢行街，但佢都為我着想，冇話特別買啲咩。」而講到有報道指其父因包二奶而導致離婚，而媽媽就要拿綜援養大他和妹妹，問到媽媽可有因報道影響心情？他表示：「冇嘅，佢仲正面過我，過咗去嘅野唔怕分享，但事實嘅嘢無需正面或負面評價加上去，未來都唔想講咁多關於家庭嘅野，想寧靜啲。（覺得紅咗有代價？）我唔敢講我紅咗，但凡事有兩面，啲前輩都好鼓勵我，叫我唔使怕呢啲，keep住本質。」他亦謂現時已沒再拿綜援。

唔覺陳海琪暗串佢

談到DJ陳海琪日前疑似在網上暗串他，但之後又甫兩人合照，對此他表示：「冇嘢嘅，佢又冇講名，我唔會諗呢個係咪我，就當係前輩點睇現今樂壇。（但張合照係幾時影？）因為佢係我唱片公司高層Tommy Chu嘅好朋友，補祝Tommy結婚我哋有約出嚟食飯，張相係4號影，佢打句嘢係2號，所以係之後影。（見到面有冇尷尬？）冇，佢好鼓勵我，叫我畀心機，識英雄重英雄，前輩嘅說話係要聽。」問到可覺被人抽水？他笑言：「佢又冇摸我。」而講到有指他將拍真人騷，他表示未太知詳情：「應該係app嘅live。（唔介意暴露私生活？）我有底線，就沖涼唔影得。（你條底線都幾低。）出得街嘅都ok，不過真人騷要好多資源，肯喺我身上擺咁多資源未嘗唔係一件好事。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment