圓面高圓圓頸巾遮肚傳有喜

內地女星高圓圓前年同拍拖兩年幾嘅台灣男星趙又廷拉埋天窗，婚後兩人曾自爆有造人大計，最近圓圓減少工作量，而佢每次出現亦面圓圓肚凸凸，令懷孕嘅傳聞愈傳愈熱！而日前圓圓去咗內地劇《咱們相愛吧》探班，劇組亦喺微博上載當日探班嘅相，相中嘅圓圓着上黑色寬鬆衫，仲戴上頸巾遮肚，加上面部略為浮腫，唔少網友都聯想到佢似乎有孕，仲話希望好快會有好消息傳出啦！