黃夏蕙送金錶賀潘炳烈80歲牛一

藝人黃夏蕙的情人知己潘炳烈晚上在九龍灣筵開八十席慶祝八十大壽，到賀的圈中人包括苟芸慧、劉錫賢、黃竣鋒、洪金梅（祥嫂）等。

黃夏蕙受訪時被問到送甚麼禮物？她說：「我送咗個心畀佢，本來唔想送，但禮貌上要送，送咗隻幾十萬嘅金鑽手錶畀佢，但係佢都唔係好鍾意架。（咁佢鍾意乜？）佢鍾意賽車，佢人生乜都有，淨係鍾意賽車。（送架賽車畀佢？）佢有啦。（送香吻？）唔使喇，大家都年紀大。」黃夏蕙透露今年到黃大仙上頭柱香會以活潑、可愛猴子造型賀猴年。至於，祥嫂則不接受訪問，她說：「今日冇準備，大家新年快樂。」